https://musavat.tv/tags/quru-s-rh-dl-rin-acilmasi/ Wed 15 Apr 2026 10:02:39 +0200 https://musavat.tv/videos/101/tv-13-jul-22-11-57-59/
Milli Məclis Sədrinin müavini Adil Əliyev və Sabirabadın deputatı Kamal Cəfərov özünə qəsd edən Vətən müharibəsinin qazisi Elvin Cəfərovun yas mərasimində iştirak ediblər. Bu barədə Kamal Cəfərov bildirib. O qeyd edib ki, hazırda Sabirabad rayonundadırlar: "Azərbaycan Respublikasının Prezidenti cənab İlham Əliyevin rəhbərlik etdiyi Rəşadətli Ordumuzun tərkibində döyüşərək, düşmənin 30 illik işğalına son qoyan, tarixi torpaqlarımızı azad edən qəhrəmanlarımızından biri Elvin Cəfərovun intiharı hər birimizi dərindən sarsıtdı. Ərazi bütövlüyümüzü bərpa, suverenliyimizi bərqərar edən Vətən övladlarına, onların ailələrinə dövlətimiz tərəfindən hər cür köməklik göstərilir. Şəhid ailələri və qazilərin sosial problemlərinin həlli dövlətimizin əsas prioritet istiqamətlərindəndir. Eləcə də hər birimiz öz növbəmizdə onların çətinliklərinin həlli istiqamətində bütün mümkün olan addımları atmalıyıq. Mən də Qurban bayramı günü digər qazilərimizlə birgə Elvinlə görüşmüşəm, bayramlaşmışıq. Görüşdə ailə üzvünün məktəbdə işə qəbulu ilə bağlı xahiş etdi. Görüşdən sonra Elvin mənimlə bir daha əlaqə saxlayaraq dayısı oğlunun da bank sektorunda işə düzəlməsini xahiş etdi, dayısı ilə də danışmışam. Elvinin anası Rüqəyyə xanımı da yaxşı tanıyıram. Elvinin evinə də getmişəm. Elvin özü də Milli Məclisdə olub. Allahdan bir daha Elvinə və bütün şəhidlərimizə rəhmət diləyir, ailələrinə səbr, qazilərimizə şəfa diləyirəm.Eyni zamanda qeyd etməliyəm ki, qazimiz Elvinin intihar etməsi faktı ilə bağlı hazırda hüquq-mühafizə orqanları tərəfindən araşdırma aparılır. Ona görə də bütün jurnalist dostlarımızdan xahiş edirəm ki, istintaqın nəticəsini gözləsinlər". Xatırladaq ki, 1987-ci il təvəllüdlü Sabirabad rayonu Qalağayın kənd sakini Elvin Cəfərov iyulun 10-da İcra Hakimiyyətinin qarşısında özünü yandırıb. İntihara cəhd edən qazi ağır vəziyyətdə Respublika Yanıq Mərkəzinə yerləşdirilib. E.Cəfərov ağır yanıq xəsarətləri səbəbindən iyulun 12-də vəfat edib. Elvin Cəfərov 3-cü qrup Vətən müharibəsi əlili idi, o döyüşlərdə kontuziya almışdı. Qazinin 2 azyaşlı oğlu qalub. Baş Prokurorluğun məlumatına görə, faktla bağlı hazırda Sabirabad rayon prokurorluğunda araşdırma aparılır. ]]> Wed 13 Jul 2022 07:42:00 +0200 https://musavat.tv/videos/101/tv-13-jul-22-11-57-59/ https://musavat.tv/videos/86/tv-05-jul-22-08-00-13/
Rusiya iyulun 15-dən quru sərhədlərini açacaq. Bu barədə ölkənin Operativ Qərargahı məlumat yayıb. Qeyd olunub ki, Belarus vətəndaşları istisna olmaqla, digər ölkə vətəndaşları Rusiyaya gəldikdə PCR testindən keçməlidirlər. Şimal qonşumuzun quru sərhədi açması bu mövzunu yenidən aktuallaşdırıb. Xatırladaq ki, yeni qərara əsasən, iyulun 1-dən etibarən Naxçıvan Muxtar Respublikası ərazisində Sədərək və Culfa gömrük-sərhəd buraxılış məntəqələri iki ay müddətinə sərnişin daşımalarına qapadıldı. Bu məsələ ilə bağlı, Dövlət Sərhəd Xidmətindən (DSX) bildirilib ki, sərhəd Nazirlər Kabinetinin 20 iyunda çıxarılan 232 saylı qərarına əsasən bağlanılıb: “Bu qərarda bildirilir ki, sentyabrın 1-dək yük daşımaları istisna olmaqla, ölkə ərazisinə yerüstü nəqliyyat ilə giriş-çıxış dayandırılsın. Sözügedən qərarda sərhədin bağlanmasının pandemiya ilə əlaqədar olduğu göstərilib”. Azərbaycan sərhədlərinin bağlı qalması haqda informasiya məkanında ən müxtəlif versiyalar səslənməkdədir. REAL sədri İlqar Məmmədov bu barədə daha iki iddia səsləndirib. “Ölkənin quru sərhədlərin tam bağlanmasının hələlik ancaq iki mümkün səbəbini görürəm: ya yeni müharibə yaxındadır, ya da Naxçıvan muxtariyyatını ləğv edəcək referenduma hazırlıq gedir”. Musavat.com xəbər verrir ki, İlqar Məmmədov Meta-da belə yazıb. Onun sözlərinə görə, bu məsələdə ölkə daxilindəki proseslərə xarici elementlərin müdaxiləsi ehtimalını minimuma endirmək məqsədi hiss olunur. İ. Məmmədov sərhədlərin bağlanmasında hava nəqliyyatı şirkətinin maraqlı olması barədə gəzən versiyanı təkzib edib: “Bu durumdan əlavə pul qazanması biznesin hansısa siyasi məqamlardan faydalanması mövzusudur. Mən hələlik yeni müharibə ya da referendumdan başqa səbəbini görmürəm. Bəlkə bir qədər vaxt sonra başqa səbəblər də görünər”. ]]> Tue 05 Jul 2022 07:42:00 +0200 https://musavat.tv/videos/86/tv-05-jul-22-08-00-13/