https://musavat.tv/tags/elxan-sahinoglu-il-canli-debat2/ Fri 17 Apr 2026 15:26:53 +0200 https://musavat.tv/videos/3457/tv-19-apr-23-11-34-13/
Xankəndidəki separatçılar arasında gərginlik pik həddə çatıb. Bu barədə məlumatı “Hraparak” qəzeti yayıb. Məlumata görə, xüsusilə gərginlik Qarabağdakı qanunsuz rejimin “təhlükəsizlik şurasının keçmiş katibi” Samvel Babayanla artıb. Belə ki, aprelin 16-da Babayan Xankəndidə “hökumət əleyhinə” “Ümid” akt zalında toplantı keçirib. Toplantı zamanı iştirakçılar arasında toqquşma yaşanıb. Vəziyyət o həddə çatıb ki, tərəflər bir-biri ilə əlbəayaxa davaya çıxıblar. Bunun nəticəsində isə Babayanın partiyasından olan deputat Seyran Ayrapetyan bıçaqlanıb. Qeyd edək ki, Babayan bundan öncə qondarma rejimdə etiraz aksiyalara başlayacağını bildirib. O həmçinin Araik Arutyunyan və komandasının separatçıları çətin vəziyyətə saldığını, Bakı ilə danışıqların başlanması gərəkdiyini deyib. ]]> Wed 19 Apr 2023 10:07:00 +0200 https://musavat.tv/videos/3457/tv-19-apr-23-11-34-13/ https://musavat.tv/videos/886/tv-05-sep-22-09-53-17/
Ermənistanın baş naziri Nikol Paşinyan parlamentdəki hakim “Mülki müqavilə” fraksiyasının deputatları ilə görüşüb. Görüşün qapalı keçdiyi bildirilir. ArmLur.am-a məlum olub ki, Paşinyan toplantıda Brüsseldə Azərbaycan prezidenti İlham Əliyev və Avropa İttifaqı Şurasının prezidenti Şarl Mişellə keçirdiyi 31 avqust tarixli görüşün təfərrüatlarını təqdim edib. Baş nazirin yaxın vaxtlarda sülh sazişini imzalayacaqlarını bildirdiyi qeyd olunur. Həmçinin görüşdə parlamentin qarşıdan gələn sessiyasının başlaması ilə bağlı müzakirələr aparılıb. Sentyabrın 12-də sessiyalar başlayacaq və müxalifətin də parlamentə qayıdacağı gözlənilir. “Mülki müqavilə” fraksiyası buna görə öz fəaliyyətini planlaşdırıb. Xatırladaq ki, avqustun 31-də Avropa İttifaqı Şurasının prezidenti Şarl Mişelin vasitəçiliyi ilə Brüsseldə Ermənistanın baş naziri Nikol Paşinyanla Azərbaycan prezidenti İlham Əliyevin görüşü baş tutub. Rəsmi məlumata görə, görüşdə əsirlərin azad edilməsi və itkin düşmüş şəxslərin taleyinin aydınlaşdırılması, sərhədlərin demarkasiyası və sərhəd təhlükəsizliyi, regional blokadanın aradan qaldırılması, Ermənistan-Azərbaycan münasibətlərinin tənzimlənməsi, Qarabağ problemi ilə bağlı məsələlər müzakirə edilib. Sülh müqaviləsinin hazırlanması üzrə substantiv danışıqların davam etdirilməsi üçün xarici işlər nazirləri səviyyəsində razılıq əldə olunub. Xarici işlər nazirlərinin görüşü bir ay ərzində baş tutacaq. Tənzimləmə və Sərhəd Təhlükəsizliyi Komitəsinin növbəti iclası noyabrda Brüsseldə baş tutacaq. Liderlər şurasının növbəti iclası noyabrda keçiriləcək. ]]> Tue 06 Sep 2022 01:44:00 +0200 https://musavat.tv/videos/886/tv-05-sep-22-09-53-17/