Videonun müddəti: 1:23:35 Baxış: 158 Əlavə edilib: 2023.01.17
Pinterest
LinkedIn
WhatsApp
Telegram

Kremldən son həmlə: Bakı və İrəvan arasındakı TOQQUŞMAnın tarixi açıqlandı – M.Mirəlioğlu ilə CANLI

Bəzi siyasi təhlilçilər Ermənistanla Azərbaycan arasında kiçik hərbi toqquşmaların 2023-cü ildə də davam edəcəyini düşünürlər. Onlar kiçik hərbi əməliyyatların davam edəcəyinə əsas səbəb kimi Ermənistanla sülh razılaşmasının əldə edilməməsini göstərirlər.

İlk belə xəbərdarlıq Beynəlxalq Böhran Qrupundan gəlib. Təşkilatın ekspertləri Ermənistanla Azərbaycan arasında yeni münaqişə ola biləcəyini iddia edib. Təşkilatın ekspertləri qarşıda gözlənilən risklərlə bağlı məqalə yayıblar. Analitik məqalədə iddia edilib ki, sanki Ermənistan və Azərbaycan yeni qarşıdurmaya doğru irəliləyir. Onların rəyinə görə, Rusiyanın Ukraynadakı uğursuzluqları regiondakı hesablamaları alt-üst edib: "Yeni müharibə daha qısa, lakin 2020-ci ildəki altı həftəlik münaqişədən az dramatik olmayacaq”.

Cənubi Qafqazda yeni hərbi əməliyyatların başlanması təhlükəsi olduqca realdır. Eskalasiyanın yeni mərhələsi üçüncü ölkələrin müdaxiləsinə səbəb ola bilər. Bunu isə “Nezavisimaya”da dərc olunan məqaləsində rusiyalı politoloq Andrey Kortunov deyib.
O, 2023-cü ildə beynəlxalq sistem üçün ciddi nəticələri olacaq 15 problemi sadalayıb. 5-ci yerdə Cənubi Qafqazda yeni eskalasiyanın mümkünlüyü göstərilir.

Kortunov bildirib ki, 2020-ci ilin noyabrında Ermənistan, Rusiya və Azərbaycan arasında üçtərəfli sazişin imzalanması, eləcə də Qarabağda müvəqqəti yerləşdirilən rus sülhməramlılar münaqişənin dondurulmasına imkan versə də, hələlik onun yekun həllinə gətirib çıxarmayıb:

“Bu gün həm Qarabağda, həm də Ermənistan-Azərbaycan sərhədində gərginlik davam edir. Cənubi Qafqazda hərbi əməliyyatların yenidən alovlanması təhlükəsi daha real görünür, xüsusən də il ərzində Bakı-İrəvan münasibətlərində irəliləyiş əldə olunmasa. Daha bir eskalasiya raundu Rusiya və KTMT üçün ciddi mənfi nəticələrə səbəb ola, eyni zamanda üçüncü ölkələrin münaqişəyə müdaxiləsinə gətirib çıxara bilər”.

“Erməni-azərbaycanlı” müharibəsi olacağı proqnozları niyə artıb? Mümkün müharibə xəbərdarlığı hansısa kəşfiyyat məlumatlarına əsaslanırmı? Regionda marağı olan iri dövlətlər bu müharibədən nə itirər, nə qazanar?
Kateqoriyalar: Canlı debat