Videonun müddəti: 1:08:18 Baxış: 129 Əlavə edilib: 2022.11.25
Pinterest
LinkedIn
WhatsApp
Telegram

Naxçıvan xanı Vasif Talıbovun vurulmasının ƏSAS səbəbi! Ölkə gündəmi R.Arifoğlu ilə ''HƏFTƏ İÇİ''NDƏ

“Mən İranın üç prezidenti – Hatəmi, Əhmədinejad və Ruhani ilə işləmişəm. Bütün bu illər ərzində bugünkünə bənzər vəziyyət yaranmamışdı. Heç vaxt İran bizim sərhədimizdə bir neçə ay müddətində iki hərbi təlim keçirməmişdi. Heç zaman Azərbaycana qarşı bu qədər nifrət və hədə-qorxu ilə dolu bəyanat verilməmişdi”.


Bu fikirləri Prezident İlham Əliyev noyabrın 25-də ADA Universitetində keçirilən “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfransın açılışındakı çıxışında deyib.


Dövlət başçısı bildirib: “Biz hər zaman istənilən anti-Azərbaycan bəyanatına və hərəkətinə cavab vermişik və verəcəyik. Bu səbəbdən biz İran ilə sərhəddə hərbi təlimlər keçirməli olduq ki, onlardan qorxmadığımızı nümayiş etdirək. Biz həyat tərzimizin, Azərbaycanın dünyəvi inkişaf vektorunun və azərbaycanlıların, o cümlədən İranda yaşayan azərbaycanlıların müdafiəsi üçün əlimizdən gələni edəcəyik. Onlar xalqımızın bir hissəsidir”.


"Gürcüstanda 116 azərbaycandilli məktəb var. İranda tədrisin erməni dilində aparıldığı məktəblər var, ancaq Azərbaycan dilində tədrisin olduğu məktəb yoxdur. Bu necə ola bilər? Əgər kimsə deyirsə ki, bu, daxili işlərə müdaxilədir, biz bunu tamamilə rədd edirik. Azərbaycanın xarici siyasəti gün kimi aydındır – biz heç bir dövlətin daxili işinə qarışmamışıq və qarışmırıq” - deyə, Prezident İlham Əliyev çıxışında deyib.


Dövlətimizin başçısı bildirib: “Biz İran məktəblərində Azərbaycan dilində tədris məsələsini ona görə qaldırırıq ki, əks təqdirdə, ana dilində danışan İran azərbaycanlıları dilin ədəbi komponentini itirirlər və Azərbaycan dili, sadəcə, məişət səviyyəsində qalır”.
Dövlət başçısının İranı silkələyən açıqlamaları ölkə gündəmində bir nömrəli hadisəyə və müzakirə mövzusunda çevrilməkdədir. Bütün bunlar bölgədə yeni münasibətlər sisteminin formalaşmaq dövrünə qədəm qoyduğunu gözlər önünə sərir. Prezident həmçinin, Brüssel görüşü ilə də bağlı möhür vuran bəyanatlar səsləndirib.


TVMusavat-ın canlı efirində “Yeni Müsavat” Media Qrupunun rəhbəri Rauf Arifoğlu ilə regiondakı prosesləri və prezidentin açıqlamalarını müzakirə edirik. Müzakirədə tamaşaçılarımız da iştirak edə bilər.
Kateqoriyalar: Həftə içi